Christ's Appearance to Mary Magdalene
Maria Magdalen goth to þe graue and wepyth, and seyth:
Maria Magdalen
For hertyly sorwe myn herte doth breke.1
With wepynge terys I wasch my face.
Alas, for sorwe I may not speke —
My Lorde is gon þat hereinne wase.
For hertyly sorwe myn herte doth breke.1
With wepynge terys I wasch my face.
Alas, for sorwe I may not speke —
My Lorde is gon þat hereinne wase.
Myn owyn dere Lorde and Kynge of Gras5
þat vij deuelys fro me dyd take.
I kannat se hym, alas! Alas!
He is stolyn awey owt of þis lake.
þat vij deuelys fro me dyd take.
I kannat se hym, alas! Alas!
He is stolyn awey owt of þis lake.
Aungelus
Woman þat stondyst here alone,9
Why dost þu wepe, and morne, and wepe so sore?
What cawse hast þu to make such mone?
Why makyst þu such sorwe, and wherefore?
Woman þat stondyst here alone,9
Why dost þu wepe, and morne, and wepe so sore?
What cawse hast þu to make such mone?
Why makyst þu such sorwe, and wherefore?
Maria Magdalen
I haue gret cawse to wepe evyrmore:13
My Lord is take out of his grave,
Stolyn awey and fro me lore.
I kannot wete where hym to haue.
I haue gret cawse to wepe evyrmore:13
My Lord is take out of his grave,
Stolyn awey and fro me lore.
I kannot wete where hym to haue.
Hic parum deambulet a sepulcro, dicens:
Alas, alas, what xal I do?17
My Lord awey is fro me take.
A, woful wrecche, whedyr xal I go?
My joye is gon owth of þis lake.
My Lord awey is fro me take.
A, woful wrecche, whedyr xal I go?
My joye is gon owth of þis lake.
Jesus
Woman, suche mornynge why dost þu make?21
Why is þi chere so hevy and badde?
Why dost þu sythe so sore and qwake?
Why dost þu wepe so sore and sadde?
Woman, suche mornynge why dost þu make?21
Why is þi chere so hevy and badde?
Why dost þu sythe so sore and qwake?
Why dost þu wepe so sore and sadde?
Maria Magdalen
A grettyr cawse had nevyr woman25
For to wepe bothe nyth and day
Than I myself haue, in serteyn,
For to sorwyn evyr and ay.
Alas, for sorwe myn hert doth blede —
My Lorde is take fro me away.
I musts nedys sore wepe and grede.31
Where he is put I kannot say.
A grettyr cawse had nevyr woman25
For to wepe bothe nyth and day
Than I myself haue, in serteyn,
For to sorwyn evyr and ay.
Alas, for sorwe myn hert doth blede —
My Lorde is take fro me away.
I musts nedys sore wepe and grede.31
Where he is put I kannot say.
But, jentyl gardener, I pray to the,33
If þu hym took out of his graue,
Telle me qwere I may hym se,
þat I may go, my Lorde to haue.
If þu hym took out of his graue,
Telle me qwere I may hym se,
þat I may go, my Lorde to haue.
Spectans:
Jesus
M.A.R.I.A.!37
M.A.R.I.A.!37
Maria Magdalen
A, maystyr and Lorde! To þe I crave,38
As þu art Lord and Kynge of Blys,
Graunt me, Lord, and þu vowchesave,
Thyn holy fete þat I may kys.
A, maystyr and Lorde! To þe I crave,38
As þu art Lord and Kynge of Blys,
Graunt me, Lord, and þu vowchesave,
Thyn holy fete þat I may kys.
Jesus
Towche me not as 3ett, Mary,42
For to my fadyr I haue not ascende.
But to my bretheryn in hast þe hy3,
With these gode wurdys here care amende:
Sey to my bretheryn þat I intende
To stey to my fadyr and to 3owre,
To oure Lord, both God and frende;48
I wyl ascende to hevyn towre.
Towche me not as 3ett, Mary,42
For to my fadyr I haue not ascende.
But to my bretheryn in hast þe hy3,
With these gode wurdys here care amende:
Sey to my bretheryn þat I intende
To stey to my fadyr and to 3owre,
To oure Lord, both God and frende;48
I wyl ascende to hevyn towre.
In hevyn to ordeyn 3ow a place,50
To my fadyr now wyl I go;
To merth, and joye, and grett solace,
And endeles blys to brynge 3ow to.
For man I sufferyd both schame and wo —
More spyteful deth nevyr man dyd take.
3it wyl I ordeyn for al this, lo,56
In hevyn an halle for mannys sake.
To my fadyr now wyl I go;
To merth, and joye, and grett solace,
And endeles blys to brynge 3ow to.
For man I sufferyd both schame and wo —
More spyteful deth nevyr man dyd take.
3it wyl I ordeyn for al this, lo,56
In hevyn an halle for mannys sake.
Maria Magdaly[n]
Gracyous Lord, at 3oure byddyng58
To all my bretheryn I xal go telle
How þat 3e be man levynge,
Quyk and qwethynge, of flesch and felle.
Now all hevynes I may expelle,
And myrth and joy now take to me!
My Lord, þat I haue louyd so wele,64
With opyn syght I dede hym se.
Gracyous Lord, at 3oure byddyng58
To all my bretheryn I xal go telle
How þat 3e be man levynge,
Quyk and qwethynge, of flesch and felle.
Now all hevynes I may expelle,
And myrth and joy now take to me!
My Lord, þat I haue louyd so wele,64
With opyn syght I dede hym se.
Whan I sowght my Lord in grave,66
I was ful sory and ryght sad,
For syght of hym I myght non haue;
For mornynge sore I was nere mad.
Grettere sorwe 3it nevyr whith had
Whan my Lord awey was gon.
But now in herte I am so glad,72
So grett a joy nevyr wyff had non.
I was ful sory and ryght sad,
For syght of hym I myght non haue;
For mornynge sore I was nere mad.
Grettere sorwe 3it nevyr whith had
Whan my Lord awey was gon.
But now in herte I am so glad,72
So grett a joy nevyr wyff had non.
How myght I more gretter joye haue74
Than se þat Lorde with opyn syght,
The whiche my sowle from synne to saue
From develys sefne he mad me qwyght.
Than se þat Lorde with opyn syght,
The whiche my sowle from synne to saue
From develys sefne he mad me qwyght.
There kan no tounge my joye expres78
Now I haue seyn my Lorde on lyve.
To my bretheryn I wyl me dresse,
And telle to hem anon-ryght belyve.
With opyn speche I xal me shryve,
And telle to hem with wurdys pleyn
How þat Cryst from deth to lyve,84
To endles blys is resyn ageyn.
Now I haue seyn my Lorde on lyve.
To my bretheryn I wyl me dresse,
And telle to hem anon-ryght belyve.
With opyn speche I xal me shryve,
And telle to hem with wurdys pleyn
How þat Cryst from deth to lyve,84
To endles blys is resyn ageyn.
Bretheryn, all blyth 3e be,86
For joyful tydyngys tellyn I kan!
I saw oure Lord Cryst, lyste wel to me,
Of flesch and bon quyk levynge man.
Beth glad and joyful as for-than,
For, trost me trewly, it is ryght thus:
Mowth to mowth, þis [is] sertayn,92
I spak ryght now with Cryst Jesus.
For joyful tydyngys tellyn I kan!
I saw oure Lord Cryst, lyste wel to me,
Of flesch and bon quyk levynge man.
Beth glad and joyful as for-than,
For, trost me trewly, it is ryght thus:
Mowth to mowth, þis [is] sertayn,92
I spak ryght now with Cryst Jesus.
Petrus
A woundyrful tale, forsothe, is this.94
Evyr onowryd oure Lorde mote be.
We pray þe, Lord and Kynge of Blys,
Onys þi presence þat we may se.
Ere thu ascende to thi magesté,
Gracyous God, if þat 3e plese,
Late us haue sum syght of the,100
Oure careful hertys to sett in ease.
A woundyrful tale, forsothe, is this.94
Evyr onowryd oure Lorde mote be.
We pray þe, Lord and Kynge of Blys,
Onys þi presence þat we may se.
Ere thu ascende to thi magesté,
Gracyous God, if þat 3e plese,
Late us haue sum syght of the,100
Oure careful hertys to sett in ease.
Amen102
Explicit Apparicio Marie Magdale[n]103
2024 Mar 19 14:56:36