The Root of Jesse: Prophecies of the Savior
Ysaias
I am þe prophete callyd Isaye,1
Replett with Godys grett influens,
And sey pleynly be spyryte of prophecie
þat a clene mayde thourgh meke obedyens
Shall bere a childe which xal do resystens
Ageyn foule Zabulon, þe devyl of helle;
Mannys soule ageyn hym to defens,7
Opyn in þe felde þe fend he xal felle.
I am þe prophete callyd Isaye,1
Replett with Godys grett influens,
And sey pleynly be spyryte of prophecie
þat a clene mayde thourgh meke obedyens
Shall bere a childe which xal do resystens
Ageyn foule Zabulon, þe devyl of helle;
Mannys soule ageyn hym to defens,7
Opyn in þe felde þe fend he xal felle.
Wherefore I seye quod virgo concipiet9
Et pariet filium, nomen Emanuel.
Oure lyf for to save he xal suffyr deth,
And bye us to his blysse, in hevyn for to dwell.
Of sacerdotale lynage, þe trewth I 3ow tell,
Flessch and blood to take God wyll be born.
Joye to man in erth, and in hevyn aungell15
At þe chyldys byrth joye xal make þat morn.
Et pariet filium, nomen Emanuel.
Oure lyf for to save he xal suffyr deth,
And bye us to his blysse, in hevyn for to dwell.
Of sacerdotale lynage, þe trewth I 3ow tell,
Flessch and blood to take God wyll be born.
Joye to man in erth, and in hevyn aungell15
At þe chyldys byrth joye xal make þat morn.
Radix Jesse
Egredietur virga de radice Jesse,17
Et flos de radice eius ascendet:
A blyssyd braunch xal sprynge of me
That xal be swettere þan bawmys breth.
Out of þat braunch in Nazareth
A flowre xal blome of me, Jesse Rote,
The which by grace xal dystroye deth23
And brynge mankende to blysse most sote.
Egredietur virga de radice Jesse,17
Et flos de radice eius ascendet:
A blyssyd braunch xal sprynge of me
That xal be swettere þan bawmys breth.
Out of þat braunch in Nazareth
A flowre xal blome of me, Jesse Rote,
The which by grace xal dystroye deth23
And brynge mankende to blysse most sote.
Dauyd Rex
I am David of Jesse rote,25
The fresch kyng by naturall successyon.
And of my blood xal sprynge oure bote,
As God hymself hath mad promyssyon.
Of regall lyff xal come such foyson
þat a clene mayde modyr xal be,
Ageyns þe devellys fals illusyon31
With regall power to make man fre.
I am David of Jesse rote,25
The fresch kyng by naturall successyon.
And of my blood xal sprynge oure bote,
As God hymself hath mad promyssyon.
Of regall lyff xal come such foyson
þat a clene mayde modyr xal be,
Ageyns þe devellys fals illusyon31
With regall power to make man fre.
Jeremias Propheta
I am þe prophete Jeremye33
And fullich acorde in all sentence
With Kyng Dauid and with Ysaie,
Affermynge pleynly beforn þis audyens
That God, of his high benyvolens,
Of prest and kynge wyll take lynage,
And bye us all from oure offens,39
In hevyn to haue his herytage.
I am þe prophete Jeremye33
And fullich acorde in all sentence
With Kyng Dauid and with Ysaie,
Affermynge pleynly beforn þis audyens
That God, of his high benyvolens,
Of prest and kynge wyll take lynage,
And bye us all from oure offens,39
In hevyn to haue his herytage.
Salamon Rex
I am Salamon, þe secunde kynge,41
And þat wurthy temple, forsothe, made I,
Which þat is fygure of þat mayde 3ynge
þat xal be modyr of grett Messy.
I am Salamon, þe secunde kynge,41
And þat wurthy temple, forsothe, made I,
Which þat is fygure of þat mayde 3ynge
þat xal be modyr of grett Messy.
Ezechiel Propheta
A vysion of þis, ful veryly,45
I, Ezechiel, haue had also,
Of a gate þat sperd was, trewly,
And no man but a prince myght þerin go.
A vysion of þis, ful veryly,45
I, Ezechiel, haue had also,
Of a gate þat sperd was, trewly,
And no man but a prince myght þerin go.
Roboas Rex
The iijde kynge of þe jentyll Jesse,49
My name is knowe, Kyng Roboas.
Of oure kynrede 3itt men xul se
A clene mayde trede down foule Sathanas.
The iijde kynge of þe jentyll Jesse,49
My name is knowe, Kyng Roboas.
Of oure kynrede 3itt men xul se
A clene mayde trede down foule Sathanas.
Micheas Propheta
And I am a prophete calde Mycheas.53
I telle 3ow pleynly þat þus it is:
Evyn lyke as Eve modyr of wo was,
So xal a maydyn be modyr of blyss.
And I am a prophete calde Mycheas.53
I telle 3ow pleynly þat þus it is:
Evyn lyke as Eve modyr of wo was,
So xal a maydyn be modyr of blyss.
Abias Rex
I that am calde Kynge Abias57
Conferme for trewe þat 3e han seyd,
And sey also, as in þis cas,
þat all oure myrth comyth of a mayd.
I that am calde Kynge Abias57
Conferme for trewe þat 3e han seyd,
And sey also, as in þis cas,
þat all oure myrth comyth of a mayd.
Danyel
I, prophete Danyel, am well apayed.61
I, prophete Danyel, am well apayed.61
Propheta
In fygure of þis I saw a tre.62
All þe fendys of hell xall ben affrayd
Whan maydenys frute þeron þei se.
In fygure of þis I saw a tre.62
All þe fendys of hell xall ben affrayd
Whan maydenys frute þeron þei se.
Asa Rex
I, Kynge Asa, beleve all þis65
þat God wyll of a maydyn be born,
And, vs to bryngyn to endles blys,
Ruly on rode be rent and torn.
I, Kynge Asa, beleve all þis65
þat God wyll of a maydyn be born,
And, vs to bryngyn to endles blys,
Ruly on rode be rent and torn.
Jonas
I, Jonas, sey þat on þe morn69
I, Jonas, sey þat on þe morn69
Propheta
Fro deth he xal ryse; þis is a trew tall70
Fyguryd in me, þe which longe beforn
Lay iij days beryed within þe qwall.
Fro deth he xal ryse; þis is a trew tall70
Fyguryd in me, þe which longe beforn
Lay iij days beryed within þe qwall.
Josophat Rex
And I, Josophat, þe vjte kynge, serteyn,73
Of Jesse rote in þe lenyall successyon,
All þat my progenitouris hath befor me seyn
Feythffully beleve withowyn all dubytacyon.
And I, Josophat, þe vjte kynge, serteyn,73
Of Jesse rote in þe lenyall successyon,
All þat my progenitouris hath befor me seyn
Feythffully beleve withowyn all dubytacyon.
Abdias Propheta
I, Abdias prophete, make þis protestacyon:77
þat aftyr he is resyn to byve onys a3en,
Deth xal be drevyn to endles dampnacyon,
And lyff xal be grawntyd of paradys ful pleyn.
I, Abdias prophete, make þis protestacyon:77
þat aftyr he is resyn to byve onys a3en,
Deth xal be drevyn to endles dampnacyon,
And lyff xal be grawntyd of paradys ful pleyn.
Joras Rex
And I, Joras, also, in þe numbre of sefne81
Of Jesse rote kynge, knowlych þat he
Aftyr his resurreccyon returne xal to hefne,
Both God and verry man, ther endles to be.
And I, Joras, also, in þe numbre of sefne81
Of Jesse rote kynge, knowlych þat he
Aftyr his resurreccyon returne xal to hefne,
Both God and verry man, ther endles to be.
Abacuch Propheta
I, Abacuch prophete, holde wele with the.85
Whan he is resyn he xal up stye,
In hevyn as juge sitt in his se,
Vs for to deme whan we xal dye.
I, Abacuch prophete, holde wele with the.85
Whan he is resyn he xal up stye,
In hevyn as juge sitt in his se,
Vs for to deme whan we xal dye.
Ozias Rex
And I, Ozyas, kynge of hygh degré,89
Spronge of Jesse rote, dare well sey this:
Whan he is gon to his dygnyté,
He xal send þe Sprytt to his discyplis.
And I, Ozyas, kynge of hygh degré,89
Spronge of Jesse rote, dare well sey this:
Whan he is gon to his dygnyté,
He xal send þe Sprytt to his discyplis.
Joell Propheta
And I, Joel, knowe full trewe þat is.93
God bad me wryte in prophesye
He wolde sende down his Sprytt, iwys,
On 3onge and olde, ful sekyrlye.
And I, Joel, knowe full trewe þat is.93
God bad me wryte in prophesye
He wolde sende down his Sprytt, iwys,
On 3onge and olde, ful sekyrlye.
Joathas Rex
My name is knowe, Kyng Joathan,97
The ixe kynge spronge of Jesse.
Of my kynrede God wol be man,
Mankend to saue, and þat joyth me.
My name is knowe, Kyng Joathan,97
The ixe kynge spronge of Jesse.
Of my kynrede God wol be man,
Mankend to saue, and þat joyth me.
Aggeus Propheta
With 3ow I do holde, þat am prophete Aggee.101
Com of þe same hygh and holy stok,
God of oure kynrede indede born wyl be,
From þe wulf to saue al shepe of his flok.
With 3ow I do holde, þat am prophete Aggee.101
Com of þe same hygh and holy stok,
God of oure kynrede indede born wyl be,
From þe wulf to saue al shepe of his flok.
Achas Rex
Off Jesse, Kyng Achas is my name,105
þat falsly wurchepyd ydolatrye
Tyl Ysaie putt me in blame
And seyd a mayd xulde bere Messye.
Off Jesse, Kyng Achas is my name,105
þat falsly wurchepyd ydolatrye
Tyl Ysaie putt me in blame
And seyd a mayd xulde bere Messye.
Ozyas Propheta
Off þat byrthe wyttnes bere I,109
A prophete, Osyas men me calle.
And aftyr þat tale of Isaye,
þat mayd xal bere Emanuelle.
Off þat byrthe wyttnes bere I,109
A prophete, Osyas men me calle.
And aftyr þat tale of Isaye,
þat mayd xal bere Emanuelle.
Ezechias Rex
My name is knowyn, Kyng Ezechyas,113
þe xjte kyng of þis geneologye,
And say, forsothe, as in þis cas,
A mayde be mekenes xal brynge mercye.
My name is knowyn, Kyng Ezechyas,113
þe xjte kyng of þis geneologye,
And say, forsothe, as in þis cas,
A mayde be mekenes xal brynge mercye.
Sophosas Propheta
I, a prophete callyd Sophonye,117
Of þis matyr do bere wyttnes,
And for trowth [d]o sertyfie
þat maydens byrth oure welth xal dresse.
I, a prophete callyd Sophonye,117
Of þis matyr do bere wyttnes,
And for trowth [d]o sertyfie
þat maydens byrth oure welth xal dresse.
Manasses Rex
Of þis nobyll and wurthy generacyon121
The xije kyng am I, Manasses,
Wyttnessynge here be trew testyficacyon
þat maydenys childe xal be Prince of Pes.
Of þis nobyll and wurthy generacyon121
The xije kyng am I, Manasses,
Wyttnessynge here be trew testyficacyon
þat maydenys childe xal be Prince of Pes.
Baruk Propheta
And I, Baruk prophete, conferme wurdys thes:125
Lord and Prince of Pes þow þat chylde be,
[To] al his fomen ageyn hym þat pres,
Ryght a grym syre at Domysday xal he be.
And I, Baruk prophete, conferme wurdys thes:125
Lord and Prince of Pes þow þat chylde be,
[To] al his fomen ageyn hym þat pres,
Ryght a grym syre at Domysday xal he be.
Amon Rex
Amon Kynge for þe last conclusyon129
Althynge befornseyd for trowth do testyfie,
Praynge þat Lord of oure synne remyssyon;
At þat dredful day he us graunt mercye.
Thus we all of þis genealogye
Acordynge in on here in þis place,
Pray þat hey3 Lorde whan þat we xal dye,
Of his gret goodnesse to grawnt us his grace.
Amon Kynge for þe last conclusyon129
Althynge befornseyd for trowth do testyfie,
Praynge þat Lord of oure synne remyssyon;
At þat dredful day he us graunt mercye.
Thus we all of þis genealogye
Acordynge in on here in þis place,
Pray þat hey3 Lorde whan þat we xal dye,
Of his gret goodnesse to grawnt us his grace.
Explicit Jesse
2024 Mar 19 14:56:36